Raportohet se Miralem Pjanic është me grip dhe mund ta nisë nga stoli për Juventus ndaj Atletico Madrid, teksa Joao Cancelo është në balotazh me De Sciglio-n.
Ndeshja e parë e 1/8-ave do të nisë në orën 21:00 dhe luhet në Wanda Metropolitana.
Sipas Sky Sport Italia, Pjanic është zgjuar me temperaturë dhe do të mbetet në dyshim deri në minutën e fundit.
Do të ishte një tjetër goditje për Juve-n, pasi italianët kanë humbur Sami Khedira për një muaj pas operacionit në zemër.
Ndërkohë, raportohet se Cancelo është në balotazh për një vend titullari me Mattia De Sciglio-n në krahun e djathtë, por asgjë nuk është vendosur.
Ndërsa Simeone ka vetëm një dilemë, Diego Costa apo Alvaro Morata në sulm, por me shumë mundësi trajneri argjentinas do të zgjedhë Costa-n.
