Futboll Seria A Sport

HEQJA E SHIRITIT TË KAPITENIT/ Interi kërkon pasardhësin e Icardit, ja 3 objektivat

E ardhmja e Mauro Icardi-t duket se do të jetë larg Inter-it. Drejtuesit zikaltër kanë vendosur t’ia heqin shiritin e kapitenit dhe t’ia japin atë Samir Handanovic. Argjentinasi është kundërpërgjigjur duke refuzuar të bashkohet me ekipin për ndeshjen e Europa League që milanezët do të luajnë mbrëmjen e sotme në fushën e Rapidit të Vjenës.

Kështu, drejtuesit zikaltër janë vënë në kërkim të pasardhësit të Mauro Icardi-t dhe, sipas shtypit italian, ata janë përqendruar te tre emra: Paulo Dybala, Duvan Zapata dhe Edinson Cavani.

Pavarësisht së kaluarës së Marotta-s me bardhezinjtë, duket e vështirë që kampionët e Italisë të vendosin të përforcojnë një rival direkt. I vështirë paraqitet edhe operacioni për të siguruar sulmuesin uruguaian, i cili fiton 10 milionë euro në sezon te PSG.

Më e lehtë duket rruga që çon te sulmuesi i Atalanta-s, Zapata, me klubin zikaltër që ka nisur kontaktet me menaxherin e lojtarit. Gjithsesi, bergamaskët nuk do të bëjnë asnjë ulje për 27-vjeçarin, i cili po shkëlqen në këtë sezon të Serisë A.

Ai është golashënuesi i tretë më i mirë i kampionatit me 16 gola.

Related posts

THELLOHET HENDEKU MIDIS MESSIT DHE BARCELONËS/ Shikoni çfarë ka bërë së fundmi “Jashtëtokësori”

Delo.autor

E ARDHMJA E MBROJTËSIT TË KOMBËTARES/ Flet agjenti i Elseid Hysaj: Nëse nuk është në planet e Napolit, atëherë…

Delo.autor

Ka luajtur me të dyja ekipet/ Spanjolli parashikon sfidën Inter-Barcelona

Isa.Autor

Leave a Comment