Futbollisti i Liverpoolit, Xherdan Shaqiri ka dhënë një intervistë pas fitores së ekipit të tij në finalen e Superkupës së Evropës.
Edhe pse nuk luajti asnjë minutë, mesfushori i Zvicrës ishte tejet i lumtur me triumfin e skuadrës së tij.
Shaqiri gjithashtu foli edhe për Kombëtaren e Kosovës, në intervistën e shkurtër për Radio Televizionin Publik të Kosovës.
“Më pëlqen shumë ekipi si po luajnë, kanë një ekip shumë të ri. Jam krenar që po shkojnë përpara dhe që po e luajnë një futboll të mirë”, tha ai.
Liverpooli mbrëmë fitoi 5-4 me penallti ndaj Chelseat, pasi koha e rregullt dhe shtesat u mbyllën në barazim (2-2).