Dietmar Kuhbauer pretendon se heqja e shiritit të Mauro Icardi-t do të ndikojë tek e gjithë skuadra kur zikaltrit të ndeshen me Rapid Vienna.
Dy ekipet do të ndeshen në 1/16-at e Europa League, me ndeshjen e parë që do të luhet në Austri të enjten.
Inter deklaroi të mërkurën se shiriti i kapitenit do t’i kalojë Samir Handanovic teksa Icardi nuk do të udhëtojë me skuadrën në Austri.
“Spalletti është një trajner i mirë, por të gjithë e dinë këtë,” shprehet homologu i tij austriak.
“Në javët e fundit, ai ka pasur disa probleme dhe si gjithmonë kanë nisur kritikat.
“Inter fitoi ndaj Parma-s në fundjavë, por situata e Icardi-t ka ndikuar tek e gjithë dhoma e zhveshjes.
“Gjëja më e rëndësishme është të kuptojmë se si do të luajë ekipi. Jemi të fokusuar tek Inter dhe jo te një individ i vetëm.
“Nëse nuk luan Icardi, do të jetë dikush tjetër në vend të tij, po aq i rrezikshëm.”