Shumë yje nga bota e sportit janë mbledhur të martën në “London Roundhouse” për të marrë pjesë në një aktivitet bamirësie.
Granit Xhaka iu ishte bashkuar Robert Pires dhe David Haye për të mbledhur para për Fondacionin “Naked Heart”, të cilët si qëllim kanë ndihmën e fëmijëve me aftësi të kufizuara fizike apo mendore.
Eventi është organizuar nga Natalia Vodianova, e cila e kishte ideuar në mënyrë që të përziente klasiken dhe atraktiven për të ftuarit e saj. Biletat për aktivitetin që përfshinte lojëra të ndryshme interaktive kushtonte 3000 sterlina plus 66,30 sterlina taksë.
Prezentë ishin edhe yje të fushave të ndryshme të cilët dhuronin për bamirësi produkte të markave të ndryshme luksoze.
