Një duartrokitje për t’i thënë “Mos shko në kinë” nuk ka mjaftuar që Marek Hamsik të refuzojë ofertën ekonomike nga kontinenti aziatik, për të qëndruar te Napoli. “Sky Sport” raporton se dyshimi i tifozëve ka marrë formë të prerë.
Sllovaku Hamsik ka nënshkruar kontratën që e transferon atë në Super Ligën kineze, te skuadra e Dalian, për një shumë prej 15 milionë euro.
Kapiteni sllovak ka lënë fushën e lojës ndaj Sampdorias në minutën e 73’ mes duartrokitjeve dhe duke rrahur gjoksin, aty ku ka bërë tatuazh Napolin e tij, prej të cilit tashmë do të largohet përgjithmonë, për të nisur një aventurë të re në Kinë, te skuadra e Dalian Yifang, klub që drejtohet nga Bernd Schuster.
