Ivan Perisic festoi dje ditëlindjen e tij të 30-të në një klimë aspak të qetë në lidhje me karrierën e tij te Inter. Merakto e janarit ishte si një “rrufe në qiell të hapur” për tifozët zikaltër, dhe vullneti i kroatit për t’u larguar i bëri pesimist për besimin që i kishin ofruar nënkampionit të botës.
Kritikat nuk munguan as në urimet për ditëlindjen e tij, dhe për të iu dhënë një përgjigje të gjithëve, Perisic postoi sot një foto në rrjetet sociale: “Një shënim i rëndësishëm, iu falënderoj sinqerisht për urimet pozitive në ditëlindjen time. Faleminderit për lavdërimet, gjithashtu faleminderit edhe për kritikat. Të dyja këto janë karburanti im!”, shkroi kroati.
Teksa hyrjen e postimin e nisi me një thënie: “Thonë se kur bën 30-vjeç është si të fillosh moshën e artë..duke ecur në skenën e jetës sime me asgjë të dhuruar.”
Kroati duhet të punojë fort dhe të kthehet edhe më përcaktues në fushë për të rifituar besimin e tifozëve dhe klubit zikaltër.
