Kriza e Villarreal është mëse e qartë në Spanjë. Skuadra nuk arrin të fitojë prej 9 ndeshjes në La Liga (5 barazime dhe 4 humbje). Në barazim 2-2 u ndal edhe sot ndaj Espanyol, në një ndeshje që po shkonin drejt fitores, pasi ishin në avantazhin e dy golave deri në minutën e 75’-të.
Iborra shënoi për vendasit në pjesën e parë, ndërsa në të dytën Cazorla dyfishoi shifrat me anë të një penalltie. Për të djallosur gjithçka mendoi Bonera, i cili bëri një gabim amator, në tentativë për të larguar topin e dërgoi atë në rrjetë dhe hapi ndeshjen.
Nëntë minuta para fundit Rosales shkarkoi të majtën e tij nga jashtë zone, duke e dërguar topin në trekëndësh dhe vulosi rezultatin e kësaj ndeshje.
Me këtë barazim “nëndetëssje verdhë” është zhytur edhe më shumë në renditje. Vendi i 19-të, me po kaq pikë është prenotuar dhe qëndrimin në La Liga po vihet ën dyshim javë pas jave.
L’autogol di #Bonera 😆🤣#VillarrealEspanyol #Milan pic.twitter.com/0APaoNGlF6
— George Drăgănescu (@Draggeo95) February 3, 2019