Trajneri i Kamzës, Ernest Gjoka, ka folur pas barazimit pa gola të marrë në fushën e Teutës pasditen e sotme. Këto kanë qenë deklaratat e tij:
“Arritëm objektivin tonë, morëm një pikë. Ndeshjen e kemi përgatitur në dy drejtime: mbrojtje dhe kundërsulm”, ka thënë Gjoka.
“Rikthimi i plotë i ekipit pas ndeshjes me Partizanin? E kam sqaruar edhe më parë, është bërë pagesa që kërkohej dhe pritet të bëhet edhe një pagesë tjetër. Shpresojmë që të gjendet një zgjidhje, sepse nuk mund të punohet pa motivim”.
“Kamza, luan për Partizanin? Absolutisht jo. Kundër Partizanit kemi dhënë maksimumin. Nuk mund të bëjmë lojën e askujt, sepse ne jemi në greminë”.
