Goli i Lionel Messi-t i ka dhënë fitoren e ngushtë 1-0 Barcelona-s ndaj Valladoilid-it.
Pas dy barazimeve radhazi, katalanasit kthehen te fitorja duke vuajtur ndaj skuadrës që po lufton për të mos rënë nga kategoria.
Pritej që skuadra e Ernesto Valverde-s të fitonte me goleadë, por miqtë ua kanë bërë shumë të vështirë punën.
Duhej penalltia e fituar nga Gerard Pique dhe shndërruar në gol nga Leo Messi në minutën e 43’ për të marrë tre pikët.
Me këtë gol, Messi tashmë ka shënuar 30+ gola në të gjithë kompeticionet për të 11-in vit radhazi në karrierën e tij. Një jashtëtokësor.
Gjithsesi, ai mund të kishte shënuar një dopietë nga pika e bardhë, por humbi një penallti në fund të takimit.
Ndërkohë Pique ka luajtur ndeshjen e 300-të në La Liga, mbrojtësi i tretë në historinë e La Liga-s që arrin këtë shifër. Dy të tjerët janë Carles Puyol dhe Migueli.