Paris Saint-Germain ka fituar ndeshjen e javës së 22-të të Ligue 1 ndaj Bordeaux me rezultatin e ngushtë 1-0 në Parc des Prices.
Kryesuesit e kampionatit francez janë rikthyer te fitorja pas disfatës së parë të sezonit ndaj Lyon fundjavën e kaluar.
Golin e vetëm të takimit e ka shënuar Edinson Cavani, i cili pak më pas ka dalë nga fusha i dëmtuar.
Akoma nuk dihet se sa i rëndë është dëmtimi i sulmuesit uruguaian, por ai rrezikon të mos luajë ndaj Manchester United në Champions League ditën e martë.
Pas Neymar, PSG mund të humbasë një tjetër lojtar kyç të skuadrës.
Cavani është sulmuesi që ka shënuar më shumë gola (7) gjatë vitit 2019, më tepër se çdo lojtar tjetër.
