Kapiteni i Real Madrid, Sergio Ramos, është një nga protagonistët e mëdhenj të këtij sezoni të madrilenëve. Skuadra, edhe falë tij, është kthyer në rrugën e duhur pas vështirësive të fillimit dhe është në garë për të fituar të gjitha kompeticionet: La Liga-n, Champions League-ën dhe Kupën e Mbretit.
Gjithsesi, orët e ardhshme do të jenë shumë të rëndësishme për sezonin e Real-it dhe për vetë qendërmbrojtësin. Ramos, në fakt, do të luajë derbin kundër Atletico Madrid sot, më pas do të jetë në fushë për Champions League dhe Kupën e Mbretit. Asgjë e çuditshme këtu, po të mos ishte për faktin se kapiteni është një karton të verdhë larg skualifikimit në të tre kompeticionet.
