Skandal në “Selman Stërmasi”. Tifozët e Partizanit futen në fushë, dhe kapen me fotografin e Flamurtarit, që po kryente detyrën e tij, në momentin kur ky i fundit po bënte foto pas golit të Ribajt.
Disa tifozë u kapen me fotografin, duke e goditur kur ai po i bënte foto lojtarëve, dhe pasi situata u agravua me fjalë, shumë të tjerë u futën në fushë, duke e goditur fotografin me grushte dhe shqelma.
U desh ndërhyrja e lojtarëve të kuq, për të shtensionuar situatën disi. Ndërkohë, tifozët patën edhe një moment ky u kapën me fjalë me Andi Ribajn, që qëndronte pranë fushës pas porte.
Tjetër moment, ishte se tifozët i morën një prej aparatet fotografit, ndërkohë që ia kthyen pak momente më pas.
