Drejtori i Interit, Beppe Marotta mbështeti trajnerin Luciano Spalletti dhe përshëndeti Ivan Perisicin që rikthehet sërish titullar.
Ka qenë një javë e tensionuar për Interin, pasi Spalletti u tregua agresiv ndaj medieve pasi u raportua se Antonio Conte kishte takuar Marottën në selinë e klubit.
“Tani ka shumë më shumë thashetheme sesa në vitet e kaluara. Spalletti tha disa gjëra të mençura, shumë të drejtpërdrejta, dhe e mbështes”, tha Marotta.
“Nuk e shoh si trajner mund të kritikohet, sepse u elminua nga Kupa Italisë në penallti dhe aktualisht jemi në vendin e katërt, plotësisht në përputhje me objektivat tona. Le të mos përpiqemi të zvarritim njerëzit mbi qymyr para se të fillojmë”, shpjegoi drejtori italian.
Perisic dhe Radja Nainggolan janë kthyer në formacionin fillestar këtë mbrëmje pas kritikave dhe tensioneve.
“Jam shumë i lumtur me këtë vendim, ndërsa trajneri i sheh ata çdo ditë dhe për këtë arsye i konsideron ata plotësisht të fokusuar dhe të gatshëm. Perisic ishte ndjerë pak i shqetësuar, por këto gjëra mund të ndodhin në futboll dhe sot duhet të harrojmë idenë e një embleme të klubit që qëndron për jetë. Nuk ekziston më”, tha më tej Marotta.
Spalletti tha se ishte më mirë të mos bëhej publike kërkesa e Arsenalit për Perisic, por Marotta shpjegoi se kohët kanë ndryshuar.
“Nuk kishte asnjë arsye për t’u fshehur. Është e drejtë që të dëgjojmë atë që dëshirojnë lojtarët, por gjithashtu të marrin parasysh detyrat që këta lojtarë kanë ndaj një klubi. Ata nuk janë vetëm njerëz, por edhe pasuri e klubit dhe duhet t’u jepet vlera e tyre e duhur.
Në dinamikën moderne të futbollit, ne duhet të mësojmë të flasim me lojtarët dhe t’ua kujtojmë se janë profesionistë, ata janë nën kontratë dhe kanë detyrime të caktuara. Perisic është një profesionist i madh, ai është finalist i Kupës së Botës dhe gjithmonë do të respektojë fanellën”, përfundoi Marotta.
