Fanella aktuale New Balance e Liverpool është më e shitura në historinë e klubit. Aq shumë janë pëlqyer nga tifozët sa që kanë mbaruar.
The Reds duhet të bënin një porosi tjetër për fanellat pasi dyqani online është bosh dhe ka deklaruar se shitjet do të rinisin në mesin e shkurtit.
“Për shkak të kërkesës së madhe për fanellën e parë, aktualisht nuk na ka mbetur asnjë. Fanellat e 18/19 janë më të suksesshmet në histori.
“Kemi bërë një tjetër porosi drejt kompanisë New Balance dhe fanellat do të rikthehen në shitje sa më shpejt të jetë e mundur.
“Tifozët do të njoftohen sapo të kenë ardhur porositë e reja nga mesi i shkurtit.”
Edhe sezonin e kaluar fanella e New Balance theu rekordin e shitjeve përpara se ajo aktualja t’ia kalonte.
Marrëveshja e Liverpool me prodhuesin e artikujve sportivë vlen 50 milionë euro në sezon dhe skadon në fund të sezonit të ardhshëm.
