Bilardisti shqiptar, Eklent Kaçi, i konfirmuar si një nga talentet e sportit të bilardos në të gjithë botën, ka marrë konfirmin e suksesit të radhës.
Pas mbylljes së vitit 2018 dhe përfundimit të të gjitha garave në Europë, ai kryeson rang listën e 12 bilardistëve më të mirë të kontinentin tonë.
Ai ka lënë pas emra të njohur të sportit të bilardos në Europë, duke u vlerësuar nga “Eurotur”, si bilardisti më i mirë për vitin 2018, me 2650 pikë në total.
Ky është një tjetër sukses i 20-vjeçarit nga Lezha, që është duke mahnitur botën me talentin e tij në Bilardo.
Eklent Kaçi është konfirmuar tashmë si sportist i suksesshëm, pasi ka fituar disa kampionate dhe ture ndërkombëtar të bilardos në disa disiplina, të zhvilluara në vende të ndryshme të botës.
