Përpara ndeshjes me Fiorentinën, Xhuzepe Marota ka folur ndoshta për herë të fundit në lidhje me çështjen “Mauro Ikardi” dhe për sa i përket gjendjes së lojtarit dhe bisedimeve për rinovim.
“I vetmi përqendrim i imi, i drejtuesve dhe i të gjithë stafit teknik është te pjesa finale e këtij kampionati, ku të gjithë duam që të japim maksimumin.
Diçka e tillë inkuadrohet shumë mirë edhe te rikthimi i fortë i Perisiçit. Për merkaton është e kotë të flasim tani, sepse ka kohë për të menduar për të, ndaj nuk kam se çfarë emrash t’u jap. Ikardi i dëmtuar apo jo? Mbi këtë temë as që dua të hyj fare, sepse ka specialistë që e dinë këtë. Ne si drejtues i kemi idetë e qartë dhe e dimë se çfarë lëvizjesh do të bëjmë në vazhdim.
Po rinovimi? Nuk e di nëse kjo do të jetë java decizive për këtë çështje, sepse ky është një impenjim i marrë me Vandën. Po ju zbuloj se ne do të bëjmë një ofertë tonën, por më pas se cila do të jetë përgjigjja e palës tjetër, unë nuk di të përgjigjem.
Madje, nuk e di as se kur ajo mund të vijë, sepse nuk është se kemi paracaktuar ndonjë datë konkrete. Se çfarë do të ndodhë në të ardhmen ia lëmë kohës”, tha administratori zikaltër.
