Ishte pikërisht uellsiani Gareth Bale ai që vulosi fitoren e Real Madrid ndaj Atleticos në derbin ndaj rivalit të përjetshëm të qytetit, kur në minutën e 73’ shënoi golin që fiksoi rezultatin në shifrat 1-3, kur kishte vetëm 15’ minuta që ishte future në fushë.
Një shërbim perfekt nga Modric ka qenë mëse i mjaftueshëm për uellsianin që të mposhtë në diagonale portierin kundërshtar Oblak.
Për të festuar golin e tij në derbi, sulmuesi i Real Madrid iu drejtua këndit ku ishin të akomoduar tifozët kundërshtarë, duke lëvizur duart e tij, për të finalizuar me një shenjë ofenduese, atë të krahut.
“Të gjitha këto lloj gjestesh në kampionat do të hetohen dhe VAR do të përdoret. Nuk mund të bësh shenjën e krahut ndaj askujt”, deklaroi Iturralde, ish-arbitri që paralajmëroi një dënim të mundshëm ndaj Bale.
Gol de #GARETHBALE pic.twitter.com/RhWC54ozKS
— Luis Valdivia (@Carnage023) February 9, 2019
Gol de #GARETHBALE pic.twitter.com/RhWC54ozKS
— Luis Valdivia (@Carnage023) February 9, 2019
