Aaron Ramsey, duke filluar nga korriku i ardhshëm, do të jetë një lojtar i Juventus-it.
Uellsiani do t’i thotë lamtumirë Arsenalit pas tetë sezonesh, por Arsene Wenger është i bindur se gjërat do të kishin shkuar ndryshe nëse ai do të ishte akoma trajneri i “Topçinjve”.
“Nuk mendoj se për Ramsey-n ka qenë një zgjedhje ekonomike, – ka thënë francezi për The Sun, – dhe, për sa kohë kam qenë unë aty, isha i bindur se ai do të kishte qëndruar. Nuk e di se çfarë mund të ketë ndodhur më pas”.
Juventus, duke filluar nga sezoni i ardhshëm, do të përforcojë mesfushën me një lojtar që pëlqehet prej kohësh nga trajneri Massimiliano Allegri.
