Declan Rice pritet të marrë çmimin Talenti Irlandez i Vitit gjatë ditës së diel në “International FAI Awards”, megjithëse ka zgjedhur të përfaqësojë Anglinë.
Çmimi për lojtarin e West Ham është votuar nga pjesëtarët e Shoqatës së Gazetarëve të Irlandës.
Gjatë kohës së votimit, Rice ishte një lojtar i përfaqësueses irlandeze dhe kualifikohej për çmimin e Talentit të Vitit.
20-vjeçari ka luajtur tre miqësore, por zgjodhi ta vazhdonte karrierën te Tre Luanët muajin e kaluar.
FIFA ka konfirmuar javën e kaluar se Rice, i cili ka lindur në Londër me gjyshër irlandezë, ishte i lirë të ndërronte kombëtare.
Për shkak se të gjitha ndeshjet e luajtura ishin miqësore, opsioni për të kaluar tek Anglia mund të shfrytëzohej.
Megjithatë, mesfushori nuk do të jetë në Dublin të dielën për të marrë çmimin.
