Këtë fundjavë është lujatur një derbi i bujshëm në Kroaci mes Lokomotivës se Zagrebit dhe Hajdukut të Splitit. Tek Lokomotiva luan dhe Myrto Uzuni, lojtar i Kombëtares. Uzuni ishte protagonist në fitoren e ekipit të tij me 2-0, ku shënoi një gol dhe dhuroi një asist.
Por, ajo që bie në sy dhe që bëri bujë në këtë ndeshje ishin koret e kënduara nga grupimi i Hajdukut, “Torçida”, një nga më të zjarrtët në Kroaci, Ata brohorisnin gjatë ndeshjes: “Ne kroatët i themi jo verës, por pijmë gjakun e “çetnikëve nga Knini”, zonë kjo e fundit në të cilën është krijuar më herët Republika e vetëshpallur e krahinës serbe.