Stephan El Shaarawy dhe Roma do të vijojnë bashkëpunimin e tyre. Palët kanë rënë dakord për të rinovuar kontratën, e cila skadon në qershor të vitit 2020.
Sipas “Calciomercato.com”, sulmuesi është kthyer në lider në fushë duke u aktivizuar rregullisht në krahun e majtë. Aq sa ka arritur të jetë i padiskutueshëm edhe në grumbullimin e kombëtares së Italisë.
El Shaarawy do të firmosë kontratë të re për 5 vitet e ardhshme, ndërsa vetë lojtari do të përfitojë 3 milionë euro në sezon. Takimi i radhës pritet të ndodhë shumë shpejt dhe do të zyrtarizohet nga klubi kryeqytetas arritja e marrëveshjes.
Për italianin interesohej West Ham, por si duket e ardhmja e 26-vjeçarit mbetet më Serie A. Aty ku këtë sezon ka shënuar 9 gola në 20 ndeshje.
