Gjashtë pikë të tjera në shtatë javët e mbetura të kampionatit dhe Jyrgen Klop siguron objektivin e Liverpulit të fillimsezonit, kualifikimin në Champions. Por ashtu si kanë shkuar gjërat këtë sezon, ky është rezultati që do e kënaqte më pak skuadrën nga Mersejsajdi.
“Kualifikimi në Champions është gjëja më e rëndësishme për këtë klub, për financat etj. Por tani mendojmë për një tjetër objektiv. Ne besojmë te titulli dhe mund ta fitojmë. Problemi është se Mançester Siti beson gjithashtu. Njëri do të mbesë i zhgënjyer në fund të sezonit. Ne do të bëjmë të pamundurën që java e fundit të jetë një ditë e lumtur për ne”, tha trajneri gjerman.
