E ftuar e përjavshme në emisionin “Tiki Taka”, Vanda Nara ka dhënë sinjale pozitive për tifozët zikaltër pas derbit duke zbuluar se paqja mes Mauro Ikardit dhe Interit është shumë pranë.
“Të gjithë po flisnin për krizën e zikaltërve, por unë kam qenë e sigurt se Interi do të reagonte dhe do të fitonte në derbi. Kam biseduar me Marotën dhe paqja është afër. Unë nuk di asgjë për takimin e mundshëm të së premtes. Unë nuk di asgjë për takimin e mundshëm të së premtes. Mauro po përpiqet të shërohet, problemi i gjurit është real. Ai ka luajtur me dhimbje edhe përpara, për të treguar sa interesohet për Interin.
Sapo të jetë në gjendje, do të kthehet, nuk ka probleme me ekipin. Ne i kemi shqyrtuar të gjitha deklaratat e lojtarëve dhe askush nuk ka folur kurrë keq për Ikardin. Thuhen kaq shumë gjëra, por njerëzit më ngatërrojnë me burrin tim, atë që ai mendon. Nuk ka kërkuar kurrë ngritje rroge dhe kjo nuk ka qenë çështje parash”, u shpreh bashkëshortja e Ikardit.
