Manchester United me siguri do të jetë një nga favoritët për të fituar titullin në Premier League, sezonin e ardhshëm, nëse drejtuesit ia dalin të nënshkruajnë me të gjithë objektivat e merkatos së verës.
Tabloidi britanik “The Sun” zbulon në numrin e sotëm katër dëshirat e klubit nga “Old Trafford”, në përpjekje për të krijuar një formacion të frikshëm. “Djajtë e Kuq” mund të shpenzojnë shumë para në fund të sezonit dhe tashmë besohet se kanë renditur katër emra të mëdhenj për të forcuar skuadrën e tyre.
Fokusi kryesor duket të jetë mbrojtja, me Manchester United që tashmë ka pësuar 36 gola në 28 ndeshje të Premier League. Ky është numri i dytë më i lartë i golave që ka pësuar çdo klub i shtatë vendeve të para të këtij kampionati.
Chris Smalling dhe Phil Jones vazhdojnë të kritikohen nga tifozët, pavarësisht nga nënshkrimi i kontratave afatgjata. Me nevojën për një qendër të klasit botëror të prapavijës, Manchester United ka futur në rreth dy lojtarë të spikatur: Kalidou Koulibaly dhe Milan Skriniar.
Të dy po tregojnë formë të jashtëzakonshme sportive në Serie A, respektivisht te Napoli dhe Interi. Koulibaly pritet të kushtojë rreth 100 milionë euro.
Gjithashtu, në listën e dëshirave të merkatos së “Djajve të Kuq” është Kristal Wan-Bissaka, i cili ka luajtur për “shqiponjat” këtë sezon. Ata përballen me konkurencën e Arsenalit për shërbimet e Bissaka, me klubin e jugut të Londrës që kërkon 40 milionë stërlina.
Manchester United është i interesuar edhe për mesfushorin e Barcelonës, Ivan Rakitic, me klubin katalanas që thuhet se është i hapur për mundësinë e shitjes së 30-vjeçarit kroat.
Nuk ka nevojë për ndonjë sulmues të ri te klubi nga “Old Trafford”, sepse tashmë mund të mburret me Marcus Rashford, Romelu Lukaku, Anthony Martial, Alexis Sanchez dhe Jesse Lingard.
Nëse Manchester United do të nënshkruajnë me këto katër objektiva të merkatos së verës, tifozët me siguri do të ëndërronin të ktheheshin te titulli, që mungon nga koha e Alex Ferguson.
David De Gea do të mbante vendin e tij si portier, me Wan-Bissaka, Koulibaly, Skriniar dhe Luke Shaw në mbrojtjen me katër. Mesfusha me tre ka të ngjarë të përbëhet nga Nemanja Matic, Paul Pogba dhe Rakitic, ndërsa Lingard, Martial dhe Rashford në sulm.
