Futboll Sport

Duka radhit kandidatët për stolin kuqezi: Ja sa paguhet trajneri i Kombëtares

Shqipëria i mbylli dy ndeshjet e para të Grupit H eliminator të Euro 2020 me një humbje dhe një fitore.

Disfata 2-0 me Turqinë në “Loro Boriçi” nuk kaloi pa pasoja, teksa presidenti Duka shkarkoi trajnerin Christian Panucci.

Me Ervin Bulkun si trajner emergjence, kuqezinjtë fituan në transfertën e Andorrës me rezultatin e pastër 3-0.

Pasi kanë përfunduar këto dy takime, kreut të FSHF-së i ka dalë si detyrë të emërojë trajnerin e ri.

Pikërisht për të folur për këtë temë, presidenti i Federatës Shqiptare të Futbollit, Armand Duka, është i ftuar në emisionin “Opinion”.

“Kam kontaktuar me Edi Rejën pas përfundimit të ndeshjes me Turqinë, por jo për të qenë ai domosdoshmërish trajner i ekipit tonë kombëtar.

Me Besnik Hasin kemi patur më parë negociata, por ai në atë periudhë zgjodhi Anderlehtin.

Sa për Donadonin, është një prej kandidatëve dhe nuk e përjashtojmë si alternativë, ndërsa me De Biasin, nuk besoj se do të ketë një ribashkim.

Trajneri i ekipit tonë kombëtar paguhet 200-250 mijë euro, ndaj nuk mund të pretendojmë një trajner të madh”, theksoi Duka.

Related posts

“THONË SE FAVORIZOHEMI NGA GJYQTARËT”/ Sarri: Te Juventusi jemi të rrethuar nga dashuria dhe urrejtja

Delo.autor

NEWCASTLE-MANCHESTER CITY/ Vendasit dyfishojnë shifrat, shënon Matt Ritchie

Delo.autor

QETËSON AMBJENTIN JUVENTIN/ Emre Can reagon pas deklaratave të thëna orë më parë

Delo.autor

Leave a Comment