Pjesa e parë e Real Madrid-Barcelona, ndeshje e vlefshme për javën e 26-të të La Liga-s, është mbyllur në avantazh 1-0 në favor të katalanasve.
Ka qenë Rakitic që ka zhbllokuar takimin në minutën e 26-të duke finalizuar një aksion perfekt të miqve me një goditje të bukur parabël që ka nxjerrë jashtë loje portierin e madrilenëve, Thibaut Courtois.
Ndërkohë, në minutën e 2-të të ndeshjes, më saktësisht në 01’29”, Sergio Busquets është ndëshkuar me karton të verdhë, duke u bërë lojtari që ndëshkohet më shpejt në një “Clasico” të La Liga-s që nga sezoni 2005/06.
Gjithashtu, ky është kartoni më i shpejtë i marrë nga lojtari në ndeshjet e luajtura në La Liga në karrierën e tij.
45 minutat e para janë mbyllur me një përplasje kokë më kokë mes Sergio Ramos-it dhe Leo Messi-t.