Gruaja e Marcelo, Clarice Alves ka publikuar një mesazh goditës në fund të ndeshjes mes Real Madrid dhe Ajax, ku bashkëshorti i saj e ndoqi nga stoli, ashtu siç ka bërë pjesën më të madhe të këtij sezoni.
“Kuptoje vlerën tënde”, kështu hapet mesazhi i Clarice, e cila ka cituar një trajner mental të famshëm. “Nëse dikush përpiqet që t’iu trajtojë si një zgjedhje ndër të shumtat, ndihmoji ato duke larguar veten nga kjo renditje”, fillon mesazhi, duke ngritur hipotezën për një largim të mundshëm të brazilianit.
“Nuk është krenari, por respekt për veten”, vijon pjesa e dytë e paragrafit, “Mos prit të shohësh ndryshime pozitive në jetën tënde nëse rrethohesh nga njerëz negativ”, vijon më tej mesazhi enigmatik i zonjës Marcelo.
Për t’i vënë kapak këtij mesazhi dyshues mendon vetë mbrojtësi i Real Madridit, që komenton me një “I love you”.
