Hidhet sot në Nion të Zvicrës shorti për çerekfinalet e Ligës së Kampionëve. Tetë skuadrat më të forta të Europës sivjet do të njohin rivalet e tyre të radhës në Ligën e Kampioneve. Shorti do të jetë i lirë, por duke parë dominimin anglez, me katër skuadra të dërguara në çerekfinale, një derbi duket më se i sigurt që do të dalë nga goglat e sotme, ndonëse çdo gjë mund të ndodhë.
Sigurisht që sot, përveç përballjeve angleze, ndoshta nuk do të mungojnë as ato që quhen beteja titanësh apo finale të parakohshme, siç mund të jenë sfidat mes Sitit e Liverpulit, Siti-Juventus apo akoma më shumë, një Barcelona-Juventus që do të rikthejë përballë njëri-tjetrit, Lionel Mesin me Kristiano Ronaldon.
Shorti në kohë reale 12:00
Çifti 1: Ajaks-Juventus
Çifti 2: Liverpul-Porto
Çifti 3 : Tottenham Man City
Çifti 4: Barcelona Man United
