Mauro Icardi ka zbritur sot në fushë për t’u stërvitur normalisht me shokët e skuadrës. Sulmuesi argjentinas kishte 40 ditë që nuk e bënte një gjë të tillë, teksa ditët e fundit ai u stërvit veçmas grupit për shkak të dhimbjeve që ai ndjen në gju.
Tashmë Luciano Spalletti ka 5 seanca stërvitore në dispozicion për të kuptuar gjendjen fizike të sulmuesit dhe për të vendosur nëse do jetë gati për sfidën e së dielës mbrëma, ndaj Lazio.
Një sinjal i fortë që tregon rëndësinë që po i kushtojnë skuadrës në këtë fazë të rëndësishme të kampionatit vjen edhe nga drejtuesit, me në krye presidentin Steven Zhang, Drejtorin e Deleguar Beppe Marotta dhe Drejtorin Sportiv Piero Ausilio, të cilët kanë qenë në qendrën stërvitore Pinetina duke ndjekur nga afër të gjitha zhvillimet.
