Do të startojë në orën 20:30 supersfida mes Interit dhe Lacios e vlefshme për javën e 29-të të Serisë A. Pas fitores në derbi dhe pauzës për kombëtaret, zikaltërit kanë përballë një tjetër “pengesë” në rrugën drejt Ligës së Kampionëve.
Një triumf përball Lacios, do ta ngjiste skuadrën e Spaletit në kuotën e 56 pikëve, duke bërë që diferenca nga ndjekësit e Milanit të thellohej në 5 pikë.
Ndërsa nga ana tjetër, të kaltërit e Inzagit janë të dënuar për “fitore”, për të parakaluar Romën në renditje, pasi në rast të kundërt, gjërat do të vështirësoheshin së tepërmi për sa i përket rrugës drejt Championsit. Të dy teknikët kanë bërë publikë edhe formacionet zyrtare, teksa vijnë në përballjen e sotme më këto rreshtime:
INTER-LACIO ORA 20:30
FORMACIONET ZYRTARE:
INTER: Handanoviç, Dambrosio, Shkriniar, Miranda, Asamoah, Vesino, Brozoviç, B.Valero, Politano, Perisiç, Keita Balde.
LACIO: Strakosha, Açerbi, Bastos, Luiz Felipe, Luliç, Romulo, Lukas Leiva, Milinkoviç-Saviç, Luis Alberto, Korrea, Imobile.