Andriy Shevchenko, ish-sulmues i Milan-it dhe trajneri i Ukrainës, ka folur për yllin e ri të kuqezinjve, Lucas Paqueta, në një intervistë të dhënë për “DAZN”.
“Po rritet, i ka dhënë Milan-it një ekuilibër të ri në mesfushë dhe, sipas mendimit tim, nuk e ka treguar akoma gjithë talentin e tij”, ka thënë ukrainasi për 21-vjeçarin e milanezëve.
“Duhet të luaj, por po paraqitet mirë që tani. I ka dhënë Milan-it atë për të cilën skuadra kishte nevojë. Ndihet shumë mirë mes reparteve, ka një të majtë të madhe dhe dikton ritmin e ekipit. Më pas, shënon edhe gola”.
