Po luhet në “Niko Dovana”, supersfida mes Teutës dhe Skënderbeut e vlefshme për javën e 24-t të Kategorisë Superiore. Të dy skuadrat vijnë në këtë përballje pas rezultateve negative në javën e 23-të, teksa do të tentojnë të rikthehen te fitorja.
Korçarët kanë kundër edhe statistikat përballë Teutës. Sikur të mos mjaftonte kriza e rezultateve në 9 ndeshjet e fundit, po të shohësh përballjet e fundit me durrsakët, janë si mos më keq.
Skënderbeu në 5 takimet e fundit nuk e ka mundur dot këtë ekip dhe me 4 humbje, maksimumi kanë shijuar një barazim. E fundit fitore përkon 17 muaj më herët, konkretisht në tetorin e 2017-ës, kur ia dilnin në “Niko Dovana” me shifrat 1-4.
Por, ajo që “djeg” më tepër është fakti se në 5 takimet e luajtura në 2019-ën kanë pësuar 8 gola, një mesatare që tregon se prapavija fut “ujë”.
Të dy trajnerët kanë bërë publike edhe formacionet zyrtare, ku nuk mungojnë surprizat. Trajneri Shehi në këtë përballje do të ketë në dispozicion edhe Dejvi Bregun që ndodhet në stol.
TEUTA-SKËNDERBEU 2-1
Kallaku 45+2′, Traore 62′ / Muzaka 68′
KOMENTI LIVE:
69′ Zëvendësim te Skënderbeu, largohet Pervan, në lojë Oto Xhon.
68′ GOOOOOL SKËNDERBEU 2-1/ Gjergji Muzaka ngushton diferencën! Pas një gjuajtje të Sibo brenda zonës, topi është përplasur në shtyllë dhe ka shkuar te Muzaka, i cili me portën e boshatisur, e pati shumë të lehtë ta dërgonte në rrjetë.
62′ GOOOOOL TEUTA 2-0/ Vendasit dyfishojnë rezultatin! Traore gjen rrugën e rrjetës! Mesfushori merr një pasim të artë dhe del i vetëm para Dajsinanit duke ndëshkuar për herë të dytë portierin.
59′ Krasniqi provon me kokë nga brenda zonës, por topi ndalet nga portieri Hidi.
56′ E pabesueshme çfarë shpërdoron Bushiç. I vetëm brenda zonës, kroati ka gabuar duke e çuar topin jashtë kuadratit. Rast i artë për durrsakët.
51′ Mundësi e shkëlqyer për Teutën me Bushiç, i cili i vetë brenda zonës devijon topin, por ndërhyn mjaft bukur portieri Dajsinani që i mohon një gol të sigurt durrsakëve.
50′ Duela të shumta në mesfushë. Gjyqtari Kola kërkon më tepër qetësi.
46′ Starton pjesa e dytë, Shkëmbi kryen zëvendësimin e parë, largohet nga loja Kamara, vendin e tij e zë Gashi.
