Pak kohë më parë, Vinicius Junior deklaroi se nuk ka të dashur duke thënë se vetja e tij është më e rëndësishme në këtë periudhë.
Gjithsesi, 18-vjeçari duket se ka dalë zbuluar nga një foto. Besohet se sulmuesi i Real Madrid është në një romancë me brazilianen Maria Julia Mazali.
Detaji zbulues: Të dy kanë shpërndarë foto nga i njëjti vend, banja e shtëpisë së Vinicius. Kjo ka bërë mediet rozë të zbulojnë menjëherë marrëdhënien mes dy të rinjve.
Maria është blogere në Instagram, teksa famën e mori në një “show” televiziv në Brazil. Ajo është 23 vjeç, teksa jeta e saj vërtitet duke pozuar para aparatit dhe fushatave të modës.
Mediet në Spanjë tani shkruajnë se Vinicius dhe Maria janë në një lidhje të konsoliduar dhe nuk bëhet fjalë thjesht për një natë romancë.