Lorenc Trashi do të jetë mungesa e madhe e Partizanit në derbin e sotëm ndaj Tiranës. Në prononcimin para ndeshjes për mikrofonin e “Supersport”, futbollisti gramshiot u shpreh:
Çfarë i the gjyqtarit në ndeshjen Flamurtar-Partizani?
Mungesa e derbit nuk do ndonjë koment. I jam lutur aq shumë arbitrit në ndeshjen ndaj Flamurtarit, sa nuk i jam lutur njeriu tjetër. Kjo ndeshje ka presion nga çdo lojtarë. Pavarësisht se i shmangen pyetjeve. Tirana po kalon një moment të mirë. Derbi të motivon vetë. Do jetë një ndeshje shumë e luftuar.
Edhe s’mund t’i bashkohem mendimit se faulli në minutën e 13-të ishte karton i verdhë. Janë disa emocione të papërshkrueshme. Çdo njeri do ta bënte atë veprim.
Pse duhet të sajohet Partizani në krahun e majtë. Pse nuk ka zëvendësues natyral?
Unë mendoj, që ndryshe nga vitet e tjera, ky është viti më stabël. Kam luajtur të gjitha ndeshjet si mbrojtës i majtë. Mendoj që Idrizi e bën shumë mirë mbrojtësin e majtë. Ju e shikoni më mirë ndeshjen. Idrizi më zëvendëson shumë mirë.
Duhet të kesh kujdes me kartonat…
Problemet e mija më kanë penalizuar. Me Skënderbeun nuk luajta, u mundëm 2-0. Kam reflektuar dhe kam mësuar nga gabimet e mija. Kisha shumë ndeshje që isha me kartona. Në fushë më shumë mendoja për kartonin se për ndërhyrjen ndaj kundështarin. Për ne janë të gjitha finale. Nuk kemi çfarë të bëjmë.
