Douglas Costa nuk do të jetë pjesë e skuadrës së Juventus për ndeshjen e kthimit të 1/8-ave ndaj Atletico Madrid, këtë e ka konfirmuar trajneri Massimiliano Allegri.
Ndeshja e kthimit do të luhet të martën në orën 21:00 pas fitores 2-0 të Atletico-s në Wanda Metropolitana.
“Douglas Costa nuk do të jetë në dispozicion pasi është dëmtuar në stërvitje,” shprehet Allegri për Sky Sport Italia mbrëmjen e së hënës.
Mesfushori brazilian nuk ka luajtur për Juventus që prej 2 shkurtit.
Alex Sandro është i pezulluar, ndërsa Sami Khedira, Mattia De Sciglio dhe Juan Cuadrado janë të dëmtuar.
Skuadra e Juventus për ndeshjen ndaj Atletico Madrid: Szczesny, Perin, Pinsoglio; Chiellini, Caceres, Bonucci, Joao Cancelo, Rugani, Spinazzola; Pjanic, Matuidi, Emre Can, Bentancur, Nicolussi Caviglia; Ronaldo, Dybala, Mandzukic, Kean, Bernardeschi
