Kapiteni i Kombëtares shqiptare, Elseid Hysaj ka folur për duelin kundër Turqisë në startin për eliminatoret e Kampionatit Europian 2020.
Në konferencën për mediat së bashku me Panuccin, mbrojtësi shkodran tha se kuqezinjtë kanë përgatitur mirë ndeshjen për të fituar 3 pikë.“Sulmuesit që ka Turqia i kemi takuar dhe në Serinë A dhe aty kemi të bëjmë në çdo ndeshje me lojtar të tillë dhe jemi përgatitur të mbrojmë mirë ndaj Turqisë”Çfarë i mungon kombëtares?
“Edhe grupi që kemi tani është fantastik. Njihemi mirë me njëri-tjetrin. Kemi marrë leksione për gabimet që kemi bërë. Shpresoj të vazhdojmë nga ndeshja e fundit që e lamë me fitore.”
Si është të jesh kapiten në qytetin tënd?
“Është ndjesi shumë e mirë. Nëse është nevoja të bëj edhe një rol tjetër do ta bëj me gjithë maksimumin tim”
