Ky nuk është vetëm një sezon rekordesh pikësh në Premier Ligë, por edhe një nga më të bukurit për sa i përket numrit të golave që po shijojmë këtë edicion.
Ndërsa Siti dhe Liverpuli pritet të luftojnë deri në fund për vendin e parë, lojtarët e 20 klubeve të Premier Ligës po shënojnë më shumë se kurrë.
Në 299 ndeshjet e zhvilluara deri në këto momente, janë shënuar 847 gola, mesatarisht 2.83 gola për ndeshje dhe kjo është mesatarja më e lartë e golave për ndeshje në 27 vitet e historisë së Premier Ligës, duke thyer në këtë mënyrë edhe rekordin e sezonit 2011-12, prej 2.81 golash për ndeshje.
Gjashtë lojtarë kanë shënuar 15 gola ose më shumë këtë sezon. Serxho Aguero, Mohamed Salah, Pierr-Emerik Obamejang, Herri Kejn, Sadio Mane dhe Rahim Sterling, e kanë kaluar të gjithë këtë shifër.
