Trajneri i Ajax, Ten Hag, doli para medieve, në prag të përballjes me Real Madrid, në takimin e dytë të velfshëm për të tetat e finales, që do të luhet në “Santiago Bernabéu”.
Në fjalën e tij, ndër të tjera tekniku i Ajax foli edhe për avantazhin e “Harkëtarëve”, që nuk do të kenë përballë kapitenin e Los Blancos, Sergio Ramos, i skualifikuar për shkak të kartonëve.
“Është një hemorragji për Madrid. Modric dhe Kroos janë lider në mesfushë, por Ramos është bosi i mbrojtjes dhe mungesa e tij sa fizike aq edhe psikologjike do të ndikojë te Real Madrid”, u shpreh tekniku i skuadrës holandeze.
“Ata padyshim që mund të luajnë edhe pa Ramos, por fakti që ai nuk do të jetë aty, nuk e bën Real Madrid më të fortë”, deklaroi ndër të tjera trajneri i Ajax, Ten Hag.
