Kur dukej se marrëdhënie mes Mauro Icardit dhe Interit ishte shndërruar në njëlloj zjarri, që nuk ka asnjë dobi t’i frysh më për asgjë, situata duket se ka ndryshuar orët e fundit. Është “Sky Sport”, ai që bën me dije një informacion të minutës së fundit: “Marotta u takua me Icardi dhe Wanda Nara. Për një zgjidhje në interes të palëve”.
Edhe vetë klubi zikaltër e ka bërë publik këtë takim mes palëve. Përmes faqes në Twitter, bëhet me dije: “Zyrtari kryesor i Interit, Giuseppe Marotta, u takua sot me @mauroicardi dhe Wanda Nara. Ishte një takim i përzemërt, që synonte gjetjen e një zgjidhjeje në interes të të gjitha palëve të përfshira”.