Florent Avdyli ka folur pas takimit me Kukësin, ku skuadra e tij u gjend në vështirësi, megjithëse arriti të barazonte 2-2 në fundin e takimit.
E besuat se do ta evitonin humbjen?
“Nuk kishim çfarë të humbnim. Është rezultat pozitiv për ne, ashtu si shkoj ndeshja”
Keni shanse për kualifikim?
“Normalisht, që do të futemi për rezultat pozitiv, pasi fillon 0-0. Shpresoj të dalim me fitore”
Çfarë nuk ka shkuar gjatë kësaj periudhe?
“Pësova një dëmtim. Dalëngadalë kam arritur formën e dikurshme dhe shpresoj të marr formën shpejt“
Çfarë mendove kur Bushiç humbi një gol të sigurt në pjesën e parë?
“E filluam shumë mirë deri te pësimi i golit. E morëm veten shumë shpejt. Pavarësisht rasteve donim fitoren. ”
Çfarë mendoi kur tu dha shansi dhe topi u përplas në shtyllë?
“E pashë gol të sigurt, merita e portierit që e devijoj.”