Chelsea ka vuajtur, por në fund ka marrë tre pikët falë golave të Higuain dhe Jorginho.
Pas ndeshjes, trajneri Maurizio Sarri ka folur për ndeshjen dhe paraqitjen e portierit të rikthyer në formacion, Kepa.
“Luajtëm shumë mirë për vetëm 60 minuta. Kishim mundësinë për ta vrarë ndeshjen.”
Nuk ishim në gjendje ta bënim kështu që në 20-25 minutat e fundit ishim në telashe sepse ishim të lodhur mendërisht dhe fizikisht nga 120 minutat ndaj Man City-t dhe ndeshjes së fortë ndaj Tottenham.”
Megjithatë, jam shumë i kënaqur me paraqitjen tonë në 60 minutat e para dhe rezultatin.”
Kepa është një burrë. Ai e kuptoi gabimin dhe sot ishte në gjendje të reagonte. Jam shumë i kënaqur me Willy Caballero-n. Është e rëndësishme për grupin dhe dhomën e zhveshjes.”
Higuain bëri një ndeshje shumë të mirë. Mendoj se akoma nuk është në formë maksimale, por po përmirësohet. Mbas dy javësh do të shihni Higuain në maksimum.”
