Një homazh i veçantë nga lojtarët bardheblu për Ali Memën, para nisjes së ndeshjes me Laçin në “Selman Stërmasi”.
Foto e varur pranë tribunës përkarshi, mbushet plot me buqetat e luleve nga futbollistët. Përlotet edhe i biri i Liut, Ardian Mema, sot trajneri i Tiranës, por në ditën e sotme i skualifikuar në komisionin e Disiplinës.
Para nisjes së sfidës, 1 minutë heshtje. Ndërkohë, mesazh i ndjerë edhe ai nga “Tirona Fanatics” në shkallët e tribunave. “Kur ti jeton akoma në zemrën e familjes, kujtimin e tifozëve dhe shpirtin e kryeqytetit, vdekja nuk është fundi…” – shkruhet në mesazhin e hapur nga tifozët bardheblu, në nder të Ali Memës.
