Është një duel për titull, por Kukësi-Partizani nuk ka arritur të fitojë aspak simpatinë e tifozëve. Distanca e largët me “vatrën” e tifozëve, pasi duhet theksuar se ky takim zhvillohet në “Loro Boriçi” të Shkodrës ka shtangur tifozët.
Gjithsesi, një tjetër faktor kryesor që ka ndaluar grupimet “Armata e Veriut” dhe “Ultras Guerrils” të udhëtojnë drejt Shkodrës janë edhe çmimet e kripura të biletave, me drejtuesit e Kukësit që kishin caktuar që bileta më e lirë në stadium të ishte 1000 lekë të reja.
Besohet se në shkallët e stadiumit “Loro Boriçi” nuk janë më shumë se 300 tifozë, shifër kjo qesharake për një takim të këtij niveli.
