Trajneri Ole Gunnar Solskjaer ka konfirmuar se pas ndeshjes Manchester United-Southampton, ku “djajtë” fituan 3-2, ka patur një incident mes sulmuesit Romelu Lukaku dhe mesfushorit Paul Pogba. Sulmuesi belg ka dashur ta gjuante ai penalltinë e fituar nga United në minutat shtesë, por ka ndërhyrë Pogba, që e gjuajti dhe e humbi.
Lukaku, që deri në ato moment kishte shëntuar dy gola, synonte të shënonte edhe një të tretë nga pika e bardhë, por mesfushori francez mori topin. “Pas ndeshjes, Lukaku dhe Pogba patën një debat të ashpër dhe me tone të larta, pasi sulmuesi nuk ishte aspak i kënaqur me kolegun. Ai donte ta gjaunte vetë penalltinë dhe nuk i pëlqeu mënyra se si veproi Pogba”, tha Solskjaer.
“Besoj se tashmë ajo çështje është mbyllur, pasi fituan dhe morëm 3 pikët, në një ndeshje shumë të vështirë. Tani kemi një përballje të fortë përpara dhe shpresoj që kjo situatë të mos përsëritet më, pse do të marr masa”, tha Solskjaer.
