Pas fitores 2-0 të PSG në “Old Trafford” ndaj Manchester United, bazuar edhe në mungesat e shumta dhe të rëndësishme në radhët e “Djajve të Kuq”, të gjitha parashikimet përcaktonin francezët si favoritët për të kaluar në çerekfinalen e Champions League, por në “Parc Des Prince” ndodhi e papritura.
Përmbysja nga ana e Manchester United që fitoi në Paris me rezultaitn 3-1 ka eliminuar PSG nga Champions League dhe ka përgatitur menjëherë largimin e disa prej yjeve të skuadrës së trajnerit Tuchel.
Më kryesori prej tyre është me siguri braziliani Dani Alves. Ish-futbollisti i Barcelonës dhe Juventus është mes kandidatëve favoritë për t’u larguar nga “Tour Eiffel” në përfundim të sezonit.
Në prag të lamtumirës së tij me PSG, nuk vonon ndërhyrja e Manchester City, fuqishëm i interesuar për mbrojtësin Brazilian, që në verën e ardhshme mund të ribashkohet me ish-trajnerin e tij, Pep Guardiola.