Federico Chiesa u largua nga fushë në minutën e 35’-të të takimit Fiorentina-Lazio, që përfundoi në barazim 1-1.
Sulmuesi italian pësoi një tërheqje muskulore dhe u detyrua të lërë fushë, por Chiesa siç duket u tremb për një dëmtim të rëndë dhe shpërtheu në lot sapo u ul në stol. Në përfundim të ndeshjes ishte trajneri Stefano Pioli, i cili theksoi se 21-vjeçari do të rikthehet shumë shpejt.
“Federico është i dashuruar me këto ngjyrave dhe vuan kur nuk arrin të japë kontributin e tij për skuadrën. Shpresoj që ta kem të gatshëm për ndeshjen e së premtes kundër Cagliari-it”, tha trajneri, duke treguar se Chiesa do rikthehet shumë shpejt në fushë.