Ish-presidenti i Real Madridit, Ramon Calderon ka pranuar publikisht se javën e ardhshme me 90% të shanseve Jose Mourinho do të prezantohet si trajneri i ri i “Los Blancos”.
“Nuk e di saktësisht nëse do jetë ditën e hënë, sepse u përfol të shkarkohej Solari para ndeshjes me Valadollid. Ju e dini se Zidane është thirrur dhe ai ka thënë ‘Jo, nuk është ky momenti i duhur’. Mendoj se Mourinho është e vetmja zgjidhje dhe ai është i lumtur për t’u rikthyer”, tha Calderon në një prononcim për “beIN Sports”.
Ish-presidenti prej ditësh ka lëshuar aludime për trajnerin e ri të Real Madrid dhe tani duket mëse e sigurt se ndeshja ndaj Valadollid do jetë e fundit për Solarin. Mesa duket Jose Mourinho do të rikthehet në “Bernabeu” pasi drejtoi aty në sezonet 2010-2013.
