Zinedine Zidane e ka hedhur poshtë mundësinë për t’u kthyer në postin e trajnerit të Real Madridit, sipas ish-presidentit të klubit madrilen, Ramon Calderon.
Duke folur për “BBC Radio 5”, Calderon tha se Perezi i kishte telefonuar Zidanit mëngjesin e së mërkurës për t’i kërkuar të kthehej në klub.
“E di që këtë mëngjes presidenti Florentino Perez i telefonoi Zidanit për t’i kërkuar të kthehet, por ai i tha jo tani”, tha Calderon.
Kujtojmë që Santiago Solari është në prag të shkarkimit dhe Reali tashmë po kërkon një trajner të ri për sezonin e ardhshëm.
Real Madrid ka dalë nga gara për titullin kampion, gjithashtu është eliminuar nga Champions League dhe Kupa e Mbretit.
Zinedine Zidane u largua nga Madridi verën e kaluar, vetëm pesë ditë pasi e fitoi trofeun e tretë më radhë në Champions League.
