Është duke u luajtur në “Xhuzepe Meaca” sfida mes Interit dhe Atalantës e vlefshme për javën e 31-të të Serisë A. I pranishëm në stadium për të ndjekur këtë përballe është dhe sulmuesi Mario Baloteli, i cili nuk është pritur aspak mirë nga tifozët zikaltër.
Në momentin e shfaqjes së Super-Marios në ekranin e stadiumit, tifozët e Interit nuk i kanë kursyer ofendimet në korr ndaj 28-vjeçarit. “Baloteli është një bir k…”, kanë shpërthyer zikaltërit.
Sulmuesi urrehet nga tifozët e Interit, për shkak të episodit në sfidën Inter-Barclona ku hodhi në tokë fanellën e skuadrës zikaltre. Super-Mario e ka shprehur hapur që është një tifoz i Milanit.
